2Cor 13 | Ndebele | STEP | Ngalesisikhathi sesithathu ngiza kini; ngomlomo wabafakazi ababili kumbe abathathu wonke umutsho uzaqiniswa.

2 Corinthians 13

UPawuli ubaxwayisa engakafiki kubo

1 Ngalesisikhathi sesithathu ^a ngiza kini; ngomlomo ^b wabafakazi ababili kumbe abathathu wonke umutsho uzaqiniswa. 2 Sengitshilo ^c ngaphambili njalo ngiyandulela ukutsho, njengalokhu ngikhona ngokwesibili ^d, njalo ngingekho khathesi ngibhalela labo abona ngaphambili ^e, lakwabanye bonke, ukuthi nxa ngingabuya futhi, kangisoze ^f ngibayekele ^g; 3 njengoba lidinga ubufakazi ^h bukaKristu okhuluma kimi ⁱ, ongebuthakathaka kini ^j kodwa elamandla ^k phakathi kwenu ^l; 4 ngoba lanxa wabethelwa ^m ngobuthakathaka, kanti uyaphila ⁿ ngamandla kaNkulunkulu ^o. Ngoba lathi sibuthakathaka kuye ^p, kodwa sizaphila kanye laye ngamandla kaNkulunkulu kini.

5 Zihloleni ukuthi lisekholweni; lizilinge ^q. Kanti kalazi lina ukuthi uJesu Kristu ukini ^r, ngaphandle kokuthi ngeqiniso lingabalahliweyo ^s? 6 Ngithemba-ke ukuthi lizakwazi ukuthi thina kasisibo abalahliweyo. 7 Njalo ngiyakhuleka kuNkulunkulu, ukuthi lingenzi lutho olubi, kungesikuthi sibonakale thina singabathembekileyo ^t, kodwa ukuze lina lenze ukulunga, kodwa thina sibe njengabalahliweyo ^u. 8 Ngoba kasilamandla okwenza ulutho olumelana leqiniso, kodwa okweqiniso. 9 Ngoba siyajabula nxa sibuthakathaka ^v thina, lani lilamandla; njalo lalokho siyakukhulekela, ukupheleliswa ^w kwenu. 10 Ngakho ngibhala lezizinto ngingekho, ukuze kuthi nxa ngikhona ^x ngingasebenzisi ubukhali ^y, njengamandla ^z iNkosi eyanginika wona, ekwakheni ^{aa
,} ^ab, njalo angabi ngawokubhidliza ^{ac
,} ^ad.

Isicino

11 Elokucina, bazalwane, thokozani, lipheleliswe ^ae, liduduzwe ^af, libe ngqondonye ^ag, lihlale ngokuthula ^ah; njalo uNkulunkulu wothando ^ai lowokuthula ^aj uzakuba lani. 12 Bingelelanani ngokwanga okungcwele ^ak.

13 Bonke abangcwele bayalibingelela ^al. 14 Umusa ^am weNkosi uJesu Kristu, lothando lukaNkulunkulu, lobudlelwano ^an bukaMoya oNgcwele kakube lani lonke. Ameni.